"Ливерпуль" Лига кубогининг биринчи ярим финалида "Тоттенхэм"га мағлуб бўлди (0:1). Анже Постекоглу шогирдлари 86-дақиқада Лукас Бергваллнинг голи эвазига ўз уйларида ғалаба қозонишди.
"Қизиллар" учун бу мағлубият жорий мавсумдаги иккинчиси бўлди. Мерсисайдликларнинг олдинги омадсизлиги сентябрь ойига тўғри келади, ўшанда улар Премьер-лигада “Ноттингем Форест”дан кичик ҳисобда мағлубиятга учраганди.
Opta маълумотларига кўра, "Ливерпул"нинг барча мусобақалардаги мағлубиятсиз серияси 24 учрашув давом этган (20 ғалаба ва тўрт дуранг).
Премьер-лига турнир жадвалининг амалдаги пешқадами Арне Слот қўл остида илк бор меҳмонда мағлуб бўлгани ҳам этиборга молик.
