Бильбаонинг "Атлетик" клуби вингери Нико Уильямс Испания Суперкубоги ярим финалида "Барселона"га қарши ўйиндан сўнг ўз фикрларини билдириб ўтди. Саудия Арабистонининг Жидда шаҳрида бўлиб ўтган ўйин “блауграна”нинг 2:0 ҳисобидаги ғалабаси билан якунланди.
"Бу биз учун сафардаги ўйин бўлди, гарчи баъзи испаниялик мухлислар бор эди. Бундай миқёсдаги ўйин шундай муҳитда ўтгани жуда ачинарли. Агар уйимизга яқинроқ ўйнасак, трибуналар тўлиб кетарди. Саудия Арабистонида ўйнашдан умуман маъно кўрмаяпман. Бунинг нима кераги бор? Бу шармандалик, ҳақиқий шармандалик", - дея Уильямснинг сўзларини келтиради Испаниянинг Marca интернет нашри.
Ушбу ўйин натижасида "Барселона" 12 январь куни бўлиб ўтадиган Испания Суперкубоги финалига чиқди.
