Bilbaoning "Atletik" klubi vingeri Niko Uilyams Ispaniya Superkubogi yarim finalida "Barselona"ga qarshi o‘yindan so‘ng o‘z fikrlarini bildirib o‘tdi. Saudiya Arabistonining Jidda shahrida bo‘lib o‘tgan o‘yin “blaugrana”ning 2:0 hisobidagi g‘alabasi bilan yakunlandi.

"Bu biz uchun safardagi o‘yin bo‘ldi, garchi ba’zi ispaniyalik muxlislar bor edi. Bunday miqyosdagi o‘yin shunday muhitda o‘tgani juda achinarli. Agar uyimizga yaqinroq o‘ynasak, tribunalar to‘lib ketardi. Saudiya Arabistonida o‘ynashdan umuman ma’no ko‘rmayapman. Buning nima keragi bor? Bu sharmandalik, haqiqiy sharmandalik", - deya Uilyamsning so‘zlarini keltiradi Ispaniyaning Marca internet nashri.

Ushbu o‘yin natijasida "Barselona" 12 yanvar kuni bo‘lib o‘tadigan Ispaniya Superkubogi finaliga chiqdi.