Франциянинг "ПСЖ" клуби "Наполи" ва Грузия терма жамоаси вингери Хвича Кварацхелия трансфери устида фаол ишламоқда. Парижликлар футболчининг қишки трансфер ойнасида ўз сафига қўшилишини исташмоқда.
Манбага кўра, "ПСЖ" "Наполи" билан келишувга ўз футболчиларини, масалан, ҳимоячи Милан Шкринярни киритишга тайёр. Бу босқичда ҳаммаси Италия клуби қандай қарорга келишига боғлиқ.
Аввалроқ Хвича Кварацхелия "Наполи"нинг шартномани узайтириш таклифини қабул қилмагани ҳақида хабар берилганди. Италия чемпионатининг жорий мавсумида 23 ёшли грузиялик футболчи 17 та ўйин ўтказиб, 5 та гол урди ва 3 та голли узатмани амалга оширди.
