Франкфуртнинг "Айнтрахт" клуби ҳужумчиси Омар Мармуш "Манчестер Сити"га ўтишга яқин турибди.
Немис клуби спорт директорининг мисрлик футболчини сақлаб қолиш нияти ҳақидаги сўнгги баёнотларига қарамай, "шаҳарликлар" келишув бўйича туриб олишда давом этишмоқда. Журналист Санти Ауна хабарига кўра, "Манчестер Сити" трансфер учун сўралган 80 миллион еврони тўлашга тайёр. Томонлар оғзаки келишувга аллақачон яқинлашиб қолган. Футболчининг ўзи ҳам яқин орада инглиз грандлари сафига қўшилишни истамоқда.
Омар Мармуш жорий мавсумда "Айнтрахт" сафида 24 та ўйинда 18 та гол ва 12 та голли узатмага муаллифлик қилган.
