"Милан" Маркус Рэшфорд учун курашда етакчилик қилмоқда.
La Gazzetta dello Sport нашри хабарига кўра, "Манчестер Юнайтед" ҳужумчиси "россонерлар"га улар учун А Серияда ўйнаш истагини билдирган. Унга Германия чемпионатидан кўра Италия чемпионати ёқади (Бундеслигада унга Дортмунднинг "Боруссия" жамоаси қизиқмоқда).
Қайд этилишича, "Манчестер Юнайтед" форвардни сотиб олиш ҳуқуқисиз ижарага беришга тайёр. Бу вариант миланликларга мос келади, чунки улар ўйинчи маошининг фақат бир қисмини тўлашлари керак бўлади ва ҳозир сотиб олинган тақдирда потенциал шартнома бўйича музокаралар олиб боришнинг ҳожати йўқ.
Кеча Рэшфорднинг агенти "Барселона" билан вазиятни муҳокама қилиш учун Каталонияга учиб кетди. Каталонияликларда ҳамон молиявий фейр-плэй қоидалари билан боғлиқ муаммолар бор, шунинг учун миланликлар Маркус учун пойгада фаворит саналади.
Шунингдек, "россонерилар" "ПСЖ" ҳужумчиси Рандал Коло-Муанига қизиқиш билдиргани, бироқ айни дамда улар асосан Рэшфордга эътибор қаратгани таъкидланган.
