"Милан" "Манчестер Сити"нинг ўнг қанот ҳимоячиси Кайл Уокер учун расмий таклиф тайёрламоқда.
"Россонерилар"нинг инглиз футболчисига қизиқиши ҳақидаги маълумотлар Хосеп Гвардиоланинг 34 ёшли футболчининг клубини ўзгартиришга тайёрлиги ҳақидаги баёнотидан кўп ўтмай пайдо бўлди. Журналист Бен Жейкобснинг сўзларига кўра, "Милан" келаси ҳафта Уокер учун расмий таклиф билан чиқишни режалаштирмоқда. Ҳимоянинг ўнг томонини кучайтириш Италия клубининг устувор трансфер вазифаларидан бири ҳисобланади.
Шунингдек, таъкидланишича, "Милан" бу ойда яна бир инглиз юлдузини ўзига жалб этишга умид қилмоқда - гап "Манчестер Юнайтед"дан Маркус Рэшфорд ҳақида кетмоқда.
