"Моркам" бош мураббийи Дерек Адамс Англия кубоги доирасида "Челси" билан ўйиндан сўнг (0:5) клубларнинг имкониятларини солиштирди.
“Кўклар” иккинчи лига аутсайдерини (тўртинчи кучли дивизион) ишончли тарзда мағлуб этишди, танаффусдан сўнг тўртта гол уришди.
"Бизнинг маошимиз 1 миллион фунт стерлингдан сал кўпроқ ва «Челси» 1 миллиард фунт стерлинг сарфлашга қодир эканини ҳисобга олсак, клублар ўртасидаги фарқ қанчалик катта эканини тушуниш учун Эйнштейн бўлиш шарт эмас.
Орамизда тафовут бор ва у фақат ўсиб боради, лекин менимча, жамоамиз яхши ўйнади", - дея "Моркам" устози Адамснинг сўзларини келтиради Telegraph.
