Карло Анчелотти Испания Суперкубоги финалида «Барселона»нинг устунлигини тан олди.

– Ҳақиқатга тўғри қараш керак. Биз ҳимояда ёмон ўйнадик, рақиб осонликча гол уришга муваффақ бўлди. Жамоавий ҳам, шахсий даражада ҳам яхши ҳаракат қилмадик. Бу бизга нохуш таъсир қилди.

– Лука ва Тчуаменининг ўйинига қандай баҳо берган бўлардингиз?

– Мен ҳеч кимни алоҳида ажратиб кўрсатмоқчи эмасман. Биз ҳимояда ёмон ўйнадик. Жамоага жипслашган ҳаракат етишмади. Ҳимояни яхшироқ ташкил қилишимиз керак.

– Жамоанинг ўйинини бир ўйинчи кўп қолгандан кейинги даражаси сизга ташвиш туғдиряптими?

– Ўйин биринчи дақиқадан охиригача ёмон ўтди. Бир ўйинчи кўп бўлиб қолганимизга қарамай, ҳеч нарса ярата олмадик. Мен учун бутун ўйин ғамгин кечди.

– Агар рақиб ўйинчини четлатмаганида, ютқазиш янада оғирроқ бўлган бўлармиди, деб қўрқмайсизми?

– Рақиб ўйинчи четлатилгандан кейин вазиятни ўзгартиришга ҳаракат қиламиз, деб ўйлагандим. Бошқа нарса ҳақида ўйламадим.

– Ўзингизни нотўғри қарор қабул қилгандек ҳис қилмадингизми?

– Бу ўйинда яхши ҳимоя қилиш муҳим эди. Биз ҳимояни ёмон ташкил қилдик ва «Барселона» ғалабага муносиб ўйнади. Улар биздан яхшироқ бўлди, – деди «Реал» бош мураббийи.