"Лион" хўжайини Жон Текстор ўйинчиларни "ПСЖ"га сотишга тайёр эмаслигини айтди.
“Бугунги кунда бу мумкин эмас. Мен юқори даражадаги футболчиларни Носирга [Ал-Хелайфийга] сотишни хоҳламайман.
Шубҳасиз, менинг Носир билан муносабатларим аввалгидек эмас. Энди мен унга ҳеч кимни сотмайман.
Клубга келганимда бизда уч нафар ёш футболчи кетишни ҳоҳлаган эди. Мен улар билан гаплашдим, улар хушмуомала бўлишди.
Менга жамоамизда ўйнашни ва чемпионатда рақобатбардош бўлишни хоҳлайдиган футболчилар керак.
Агар академиямиздаги ёшлар "ПСЖ"да ўйнашни истаса, кетишсин! Мен чемпионлик учун кучли жамоа тузмоқчиман.
Шу боисдан ишончим комилки, энг яхши ўйинчиларни "ПСЖ"га сотиш бизнинг моделимиз эмас", - деди Текстор.
