"Ливерпуль" "Нюрнберг"нинг грециялик 19 ёшли форвард Стефанос Цимасга қизиқиш билдирмоқда, дея хабар бермоқда журналист Флориан Плеттенберг "Twitter" саҳифасида.
Футболчи ПАОКга тегишли ва ижара асосида "Нюрнберг"да ўйнайди. Немис клуби шартномани кейинчалик қимматроққа сотиш учун 18 миллион еврога сотиб олиш имкониятини фаоллаштирмоқчи.
"Нюрнберг" футболчини 25 миллион евро + бонуслар эвазига сотишга тайёр. Футболчига "Ливерпуль"дан ташқари "Челси", "Брайтон", "Астон Вилла" ва Бундеслиганинг бир қанча клублари ҳам қизиқиш билдирмоқда.
Жорий мавсумда Цимас "Нюрнберг" сафида 15 та ўйин ўтказди. Унинг ҳисобида 8 та гол ва 2 та голли узатма бор.
