"Манчестер Сити" Омар Мармуш борасида музокараларни давом эттирмоқда. Флориан Плеттенберг хабарига кўра, "Айнтрахт" 25 ёшли ҳужумчининг трансфери учун 80 миллион евро талаб қилмоқда.
Инглиз клуби 70 миллион евро тўлаб, шартномага 5-10 миллион евро миқдоридаги бонус тўловларини қўшиб, шартномани ёпиши мумкинлигига ишонмоқда.
Томонлар ўртасидаги музокаралар пайшанба куни давом этади. Ҳозирча келишувга эришилмаган.
Бундеслиганинг жорий мавсумида Мармуш 17 та ўйин ўтказиб, 15 та гол урди ва 9 та голли узатмани амалга оширди.
