“Хоффенхайм” ярим ҳимоячиси Том Бишоф фаолиятини “Бавария”да давом эттиради.
19 ёшли умидли футболчи мавсум охирида Мюнхен грандига ўтишга рози бўлди, деб хабар беради таниқли инсайдер Флориан Плеттенберг.
Ярим ҳимоячи "Бавария"га эркин агент сифатида қўшилади, чунки унинг "Хоффенхайм" билан шартномаси июнь ойида тугайди.
Манбага кўра, "Бавария" ёш немисни ижарага олишни режалаштирмаяпти - у асосий таркибга кириш имкониятига эга бўлади.
Венсан Компани ва Макс Эберль музокараларда асосий роль ўйнаб, футболчини келишувга эришишга кўндиришди.
