“Xoffenxaym” yarim himoyachisi Tom Bishof faoliyatini “Bavariya”da davom ettiradi.
19 yoshli umidli futbolchi mavsum oxirida Myunxen grandiga o‘tishga rozi bo‘ldi, deb xabar beradi taniqli insayder Florian Plettenberg.
Yarim himoyachi "Bavariya"ga erkin agent sifatida qo‘shiladi, chunki uning "Xoffenxaym" bilan shartnomasi iyun oyida tugaydi.
Manbaga ko‘ra, "Bavariya" yosh nemisni ijaraga olishni rejalashtirmayapti - u asosiy tarkibga kirish imkoniyatiga ega bo‘ladi.
Vensan Kompani va Maks Eberl muzokaralarda asosiy rol o‘ynab, futbolchini kelishuvga erishishga ko‘ndirishdi.
