Амад Диалло фаолиятидаги илк хет-трик қайд этиб, "Манчестер Юнайтед"га камбэк қилишда ёрдам берди.

"Манчестер Юнайтед" АПЛнинг 21-турида ўз майдонида "Саутгемптон"ни 3:1 ҳисобида мағлуб этди.

Мураббий Рубен Аморим шогирдлари ўйин охиригача ҳисобда ортда қолишаётганди. Шундан сўнг 22 ёшли вингер 82, 90 ва 94-дақиқаларда гол урди.

Бу собиқ "Аталанта" футболчисининг фаолиятидаги илк хет-трик бўлди. У аввалроқ Европа Лигасида ПАОКга қарши ўйинда (2:0) дубль қайд этганди. Шунингдек, у "Сандерленд" дарвозасини икки бор ишғол қилди.

Умуман олганда, Диалло жорий мавсумда барча турнирларда 30 та ўйин ўтказиб, 9 та гол урди ва 7 та голли узатмани амалга оширди.