"Наполи" ва "Челси" "Манчестер Юнайтед"нинг 20 ёшли вингери Алехандро Гарначога қизиқиш билдираётганига қарамай, клублар аргентиналик футболчини унинг характери туфайли сотиб олишда иккиланишмоқда. Бу ҳақда The Telegraph нашри хабар бермоқда.
Манбага кўра, "Наполи" ва "Челси" бу ҳолат бўйича шубҳалар бартараф этилмагунча Гарначони қўлга киритишга уринишларга тайёр эмас.
Клублар аргентиналик футболчининг "Манчестер Сити" билан дербида иштирок этмаганлиги сабабли "Манчестер Юнайтед" таркибидан четлатилганидан хавотирда. Шунингдек, "қизил иблислар" бош мураббийи Рубен Аморим Европа лигаси доирасида "Виктория Пльзень" билан ўйинда Гарначонинг хатти-ҳаракатидан норози бўлди. Ўтган мавсумда "манкунианликлар" сардори Бруну Фернандеш жамоа билан "Лестер"га қарши ўйинда гол нишонламагани учун Гарначога қарши даъво қилган эди.
