"Napoli" va "Chelsi" "Manchester Yunayted"ning 20 yoshli vingeri Alexandro Garnachoga qiziqish bildirayotganiga qaramay, klublar argentinalik futbolchini uning xarakteri tufayli sotib olishda ikkilanishmoqda. Bu haqda The Telegraph nashri xabar bermoqda.
Manbaga ko‘ra, "Napoli" va "Chelsi" bu holat bo‘yicha shubhalar bartaraf etilmaguncha Garnachoni qo‘lga kiritishga urinishlarga tayyor emas.
Klublar argentinalik futbolchining "Manchester Siti" bilan derbida ishtirok etmaganligi sababli "Manchester Yunayted" tarkibidan chetlatilganidan xavotirda. Shuningdek, "qizil iblislar" bosh murabbiyi Ruben Amorim Yevropa ligasi doirasida "Viktoriya Plzen" bilan o‘yinda Garnachoning xatti-harakatidan norozi bo‘ldi. O‘tgan mavsumda "mankunianliklar" sardori Brunu Fernandesh jamoa bilan "Lester"ga qarshi o‘yinda gol nishonlamagani uchun Garnachoga qarshi da’vo qilgan edi.













