"Манчестер Юнайтед" бош мураббийи Рубен Аморим декабрь ойи ўрталаридан бери гол ура олмаган ҳужумчиси Расмус Хёлундни ҳимоя қилди.
Пайшанба куни "Саутгемптон" устидан қозонилган 3:1 ҳисобидаги ғалаба Хёйлунднинг кетма-кет саккизинчи ўйинида гол ура олмагани бўлди. Аморим Расмусни 53-дақиқада майдонга туширди.
"Бу Расмус муаммосидан кўра кўпроқ жамоа муаммоси. Кўриб турибсизки, бу шунчаки ҳозир эмас, балки ўтмишдан келиб чиққан. Бизда аниқ мақсад ва таҳдидлар камчилиги бор.
Рақибингизга таҳдид яратганингизда, рақибингиз сизни юқори босмаслиги мумкин, шунинг учун ҳаммаси боғланган.
Бу мавсумда барча ўйинчиларда шундай вазиятлар бўлган. Расмус доим гол урган футболчи эди. У кейинги ўйинда ҳам шунга қайтиши мумкин. Кўрамиз", - деди Аморим.
