"Реал" бош мураббийи Карло Анчелотти ҳужумчи Эндрик ҳақида фикр билдирди.

Бразилиялик футболчининг ўйин вақти кам, матбуотда унинг бошқа жамоага ижара асосида кетиши мумкинлиги ҳақида тез-тез миш-мишлар тарқалмоқда.

"Эндрик? Менинг фикрим ўзгармади. Мен доим Эндрикка ишонишимиз мумкин деб ўйлардим. Шуни ҳисобга олиш керакки, у ҳали ёш, ёш футболчилар эса беқарор бўлишади.

У 18 ёшда, у Бразилиядан ва у мослашиши керак. У биз кутгандек ривожланмоқда. У жуда жиддий, жуда профессионал. У биз бераётган дақиқаларимиздан фойдаланмоқда”, деди Анчелотти матбуот анжуманида.