"Арсенал" Бенжамин Шешкони қишда қўлга киритмоқчи.
The Times нашрининг ёзишича, "канонирлар" шу ойнинг ўзидаёқ "Лейпциг"нинг словениялик ҳужумчиси билан шартнома имзолашни мақсад қилган.
"Арсенал" ўтган ёзда 21 ёшли Шешкога қизиқиш билдирган, бироқ футболчи июнь ойида немис клуби билан янги шартнома имзолаганди. Ушбу узайтириш доирасида футболчи келаси ёзда тахминан 60 миллион фунт (70 миллион евро) эвазига клубни тарк этиши мумкинлиги ҳақида келишувга эришилди.
Шунга қарамай, "Лейпциг" бу ойда унинг сотилиши учун юқори суммани олишни кутмоқда.
Шешко бу мавсумда Бундеслиганинг 17 ўйинида 8 та гол ва 2 та голли узатмани амалга оширди.
