Жастин Клюйверт АПЛ 22-туридан ўрин олган "Ньюкасл"га қарши баҳсда (4:1) учта гол урди.

"Барселона"нинг собиқ ҳужумчиси Патрик Клюйвертнинг ўғли жорий мавсум сафарда ўзининг иккинчи хет-трикини қайд этди. Биринчи марта у 30 ноябрь куни "Вулверхэмптон"га қарши ўйинда ўз ҳисобига 3 та гол ёздириб қўйганди.

25 ёшли нидерландиялик футболчи Премьер-лиганинг бир мавсумида меҳмонда иккита хет-трик қайд этган тарихдаги еттинчи футболчига айланди.

Иан Райт (1993/94), Робби Фаулер (2001/02), Майкл Оуэн (2002/03), Луис Суарес (2012/13), Харри Кейн (2016/17) ва Рахим Стерлинг (2019/20) ҳам бу муваффақиятга эришган.