Дарвин Нуньес - Премьер-лиганинг захирадан майдонга тушганда энг сермаҳсул футболчиси ҳисобланади.
Бугун "Ливерпуль" форварди "Брентфорд"га қарши ўйиннинг 65-дақиқасида майдонга тушди ва қўшиб берилган дақиқаларда дубль қайд этди. Унинг жамоаси 2:0 ҳисобида зафар қучди.
2022/23 йилги мавсумдан буён уругвайлик футболчи захирадан майдонга тушганидан кейин 7 та гол урди ва 4 та голли узатмани амалга оширди. Бу вақт ичида Англия чемпионатида ҳеч ким бунчалик гол уришга эришмаганди.
Шунингдек, Нуньеснинг 90-дақиқадан сўнг меҳмонда учта ғалаба голи бор. Премьер-лига тарихида ҳеч ким бундан ортиқ гол ура олмаган.
