Александр Мочинов мураббийлигидаги “Бунёдкор” ёшлар жамоаси айни пайтда юртимизда йиғин ўтказаётган Ироқ U-20 терма жамоаси билан ўртоқлик учрашуви ўтказди.

Учрашув “Бунёдкор” футбол мактаби майдонида бўлиб ўтди. 30 май куни Фарғонада “Нефтчи” ёшлари билан 10-тур доирасида ўйнайдиган ёш бунёдкорчилар бир кун олдинги машғулот ўрнига, ёшлар ўртасидаги жаҳон чемпионатига тайёргарлик кўраётган ироқликлар билан куч синашди.

Ҳар иккала жамоа мураббийлари ўйин давомида бир неча футболчиларни алмаштиришган ҳолда таркибдаги деярли ҳамма шогирдларига имкон бердилар. Ўйинда бироз устунликка эга бўлган ироқликлар 3:1 ҳисобида ғалаба қозонди.

Ўртоқлик учрашуви
“БУНЁДКОР” – ИРОҚ U-20 1:3 (0:1)
Голлар: Темур Аюпов – Жавад Ҳадим, Муҳаммад Шавкан, Маҳди Ҳамил
“Бунёдкор”: Зафар Сафоев, Жавлон Мирабдуллаев, Камронбей Кападзе, Ҳасан Асқаров, Азизбек Мамазоитов, Зокиржон Нурматов, Аҳрор Умаржонов, Сардор Азимов, Эргаш Исмоилов, Миржамол Қосимов, Забихилло Ўринбоев
Захирадан майдонга тушганлар: Сардор Собирхўжаев, Темур Аюпов, Шахриёр Имомхўжаев, Миразиз Жалолов, Хуршид Ғиёсов, Нодиржон Отажонов
Ҳакамлар: И.Танташев (Бухоро), Р.Ильясов, М.Саидқосимов, О.Толибжонов (барчаси – Тошкент)
29 май. Тошкент. “Бунёдкор” футбол мактаби стадиони

Таъкидлаш жоизки, “Бунёдкор” ёшлари ва Ироқ U-20 жамоалари 2 июнь куни ҳам яна бир маротаба ўзаро куч синашишга келишиб олишди.