"Манчестер Сити" ярим ҳимоячиси Фил Фоден "Ипсвич" устидан қозонилган йирик 6:0 ҳисобидаги ғалабадан сўнг ўз фикрлари билан ўртоқлашди.
Англиялик футболчи "шаҳарликлар"нинг голларининг ярмига ҳисса қўшди, икки марта ўзи гол урди ва бир марта жамоадошларига ассистентлик қилди.
"Эҳтимол, бу мавсумдаги энг яхши ўйинимиз бўлди. Муҳим дақиқаларда тўпга эгаликни яхши сақлаб қолдик ва яхши ҳимояландик.
Биз кучайиб бормоқдамиз. Буни футболчиларнинг яхши формада эканлиги, жамоанинг янада жипслашиб бораётгани билан боғлайман.
Биз гол уришдан кейин шошмаймиз ва тўпга эгалик қилишда давом этамиз. Бугунги тайёргарлигимиз катта таъсир кўрсатди", деди Фоден.
