"Терек" (ҳозирги "Ахмат") клубининг собиқ ҳужумчиси Шамил Лахиялов 23 ёшли вингер Хвича Кварацхелиянинг "Наполи"дан "ПСЖ"га ўтганига баҳо берди.

"Хвичанинг трансфери Россиядаги спорт жамоатчилиги орасида турлича муносабатга сабаб бўлди. Кўпчилик Хвичани Чемпионлар лигасида ғалаба қозониш учун катта амбицияларга эга бўлган клубга ўтишини кутганди.

Чунки “Манчестер Сити”, “Барселона” ва бошқа кўплаб клублар Кварацхелияга даъвогар сифатида қайд этилганди. Аммо Хвича бошқача танлов қилди. У юрак амрига эргашган бўлса керак.

Шу аниқки, молиявий нуқтайи назардан, унга «ПСЖ» яхшироқ шарт-шароит таклиф эта олган. Спорт таркибий қисмига келсак, менимча, Франция чемпионатининг даражаси Италия чемпионатидан анча пастроқ.

Бу лигаларда ғолибликка даъвогар бўлган жамоаларга назар ташласангиз ҳам бу маълум бўлади. Италияда кучли тўртликдан жой олиш учун еттита клуб курашмоқда.

Францияда эса "ПСЖ"га жиддий қаршилик кўрсата оладиган битта-иккита, максимал учта жамоа бор.

Шунинг учун ҳам Италияда шиддатли ўйинлар кўпроқ бўлади.

Кўрамиз, Хвича Париж клубига асосий мақсад - Чемпионлар лигасида ғалаба қозонишларига ёрдам бера оладими? Лекин, албатта, мен бунга шубҳа қиламан", - деди Лахиялов.