Таниқли собиқ ҳакам Матеу Лаос Ла Лиганинг яқинда ўтказилган “Хетафе” – “Барселона” учрашувида жиддий хатога йўл қўйилганини айтиб ўтди.
"Барселона" Жюль Кундега нисбатан қўполлик ишлатилгани учун пенальти талаб қилди, аммо ҳакам Пабло Гонсалес Фуертес ўн бир метрли нуқтани кўрсатмасликка қарор қилди.
Учрашув 1:1 ҳисобида якунланди.
"Менимча, бу эпизодни баҳсли деб аташ мумкин эмас. Кундега белгиланган пенальти аниқ кўриниб турганди.
Мавсум бошланишидан олдин ҳакамлар қўмитаси жарима майдончасидаги йиқитишлар учун пенальти белгиланишини маълум қилганди.
Энди улар бу қоидага амал қилмаяпти", - дея Лаоснинг сўзларини келтиради Barca Managing.
