"Ливерпуль" Чемпионлар Лигасидаги олдинги олтита ўйиннинг барчасида ғалаба қозонган. Жамоа бош мураббийи Арне Слот жамоаси ўзининг 100 фоизлик натижасини сақлаб қолишни мақсад қилганми, деган саволга жавоб берди.
"Биз ҳар бир ўйинда ғалаба қозонишни давом эттирмоқчимиз. Биз фақат кучли 8 таликка киришни хоҳлаймиз. Бунинг учун бизга битта очко кераклигини биламиз. Аммо жамоамиз ҳеч қачон очко учун курашиш учун майдонга чиқмаган.
Ҳар бир ўйинда, хоҳ "Манчестер Юнайтед" ёки "Арсенал" майдонида бўладими, биз услубимизни ўзгартирмаганмиз. Эртага ҳам худди шундай бўлади. Биз ҳар доим ғалаба қозониш учун ўйнаймиз", деди Слот матбуот анжуманида.
"Ливерпуль" 21 январь, сешанба куни "Лилль"ни қабул қилади.
