Франциянинг “Лион” клубига тегишли бўлган ҳужумкор ярим ҳимоячи Раян Шеркига Германия Бундеслигасида талаб катта.
Бу ҳақда Инсайдер Фабрис Хокинс хабар бермоқда. Манбага кўра, футболчининг трансферига учта клуб қизиқиш билдирмоқда. Шерки учун "Бавария", "Байер" ва Дортмунднинг "Боруссия" клублари кураш олиб боради. "Лион" Шеркини мавсум охирида 22,5 миллион еврога сотишга тайёр.
Жорий мавсумда ярим ҳимоячи 21 та ўйинда майдонга тушиб, 5 та гол урди ва 8 та голли узатмани амалга оширди. Раяннинг "Лион" билан шартномаси 2026 йилнинг ўрталарига қадар амал қилади.
