"Боруссия" деярли чорак асрдаги энг ёмон натижаларни кўрсатмоқда.

Нури Шаҳин шогирдлари бугун Чемпионлар лигаси доирасида "Болонья"дан мағлуб бўлди (1:2).

Дортмундликлар бундан олдинги учта ўйинда ҳам мағлуб бўлишган: "Айнтрахт" (0:2), "Хольштайн Киль" (2:4) ва "Байер" (2:3).

"Боруссия" охирги марта 2000 йилнинг баҳорида кетма-кет 4 марта мағлуб бўлганди. Ўша даврда клуб олти марта ютқазганди.

Сўнгги 9 учрашувда дортмундликлар фақат битта ғалаба, шунингдек, бешта мағлубият ва учта дуранг қайд этган.

25 январь куни жамоа Бундеслига доирасида "Вердер"ни қабул қилади.