Футзал бўйича Ўзбекистон терма жамоаси июнь ойида Эронда ўқув-машғулот йиғинларини ўтказади.
Ўзбекистон футзал терма жамоаси 7-14 июнь кунлари Эрон пойтахти – Теҳрон шаҳрида ўқув-машғулот йиғинларини ўтказади. Режага кўра, йиғин давомида футзал бўйича Эрон терма жамоасига қарши иккита, шунингдек, Эрон футзал лигаси клубларига қарши иккита, жами – тўртта учрашув ўтказиш режалаштирилган.
Терма жамоа мураббийлари Эрон йиғини учун Ўзбекистон чемпионати вакилларидан «Локомотив», «Ардус», «Максам-Чирчиқ», «Пахтакор», Қозоғистоннинг «БТА-Футзал» жамоаларидан жами 16 нафар ўйинчи чақиришни режалаштирган.
Эрон йиғини 26 июнь – 6 июль кунлари Жанубий Кореянинг Инчхон шаҳрида бўлиб ўтадиган Ёпиқ иншоотлардаги 4-Осиё ўйинлари арафасидаги муҳим тайёргарлик босқичи ҳисобланади. Эслатиб ўтамиз, қуръа натижаларига кўра, Осиё ўйинлари гуруҳ босқичида ўзбекистонлик футзалчилар Афғонистон ва Қатар терма жамоаларига қарши баҳс олиб боришади.
Эрон йиғинига чақирилган ўйинчилар рўйхати:
Дарвозабонлар: Николай Кравченко («Ардус»), Клим Тюгаев («Максам-Чирчиқ»), Олег Тукмаков («Пахтакор»), Рустам Умаров («Локомотив»).
Ўйинчилар: Нодир Элибоев («Локомотив»), Константин Свиридов («Локомотив»), Жавлон Аноров («Локомотив»), Шуҳрат Тожибоев («Ардус»), Дилшод Ирсалиев («Ардус»), Дилшод Раҳматов («Ардус»), Олег Холмуҳамедов («БТА-Футзал», Қозоғистон), Даврон Чориев («Локомотив»), Жамолиддин Шарипов («Ардус»), Фарҳод Абдумавлонов («Ардус»), Артур Юнусов («Ардус»), Ғулом Мамажонов («Локомотив»).
