Лондоннинг "Челси" клуби ҳимоячиси Ренату Вейга Италия чемпионатига ўтди. 21 ёшли португалиялик ҳимоячи Туриннинг "Ювентус" клуби футболчисига айланди, бу ҳақда инсайдер Фабрицио Романо ижтимоий тармоқ орқали хабар берди.

"Кекса синьора" футболчини 2024/2025 йилги мавсум охиригача ижарага олди. Италиялик футболчи учун беш миллион евро тўланган. Шартнома сотиб олиш имкониятини ўз ичига олмайди.

Вейга ўтган ёзда "Челси"га ўтган эди. Ўшандан бери ҳимоячи лондонликлар сафида 18 та ўйин ўтказиб, 2 та гол урди ва битта голли узатмани амалга оширди. Ренату ва инглизлар ўртасидаги амалдаги шартнома 2031 йилда якунига етади.