"Хетафе" бош мураббийи Хосе Бордалас "Барселона" устози Ханс-Дитер Флик ва Каталония клуби президенти Жоан Лапортанинг танқидларига жавоб берди.
"Флик ва Лапорта менинг услубимни танқид қилдими? Қачонки, ғалаба қозонишни тўхтатсангиз, худди ғалаба қозонган вақтингиздек ҳурматда бўлишингиз керак... Ҳурмат қилмаганлар ҳурматга лойиқ эмас", - деди Бордалас Barca Universal билан суҳбатда.
Эслатиб ўтамиз, 18 январь куни "Барселона" "Хетафе"ни мағлуб эта олмади. Испания чемпионатининг 20-туридан ўрин олган учрашув 1:1 ҳисобида якунланди. Кейинги турда “Хетафе” сафарда “Реал Сосьедад” билан, “Барселона” эса “Валенсия” билан ўйнайди.
