"Барселона" "Манчестер Юнайтед" вингери Маркус Рэшфордни жорий мавсум охиригача ижарага олишдан манфаатдор, аммо Каталония клуби унинг маошини тўлиқ қоплашга тайёр эмас. Бу ҳақда «Sport.es» хабар бермоқда.
Манбага кўра, 27 ёшли футболчининг Англия клубидаги маоши 18 млн еврони ташкил этади. Жорий мавсум охиригача Рэшфордга тахминан 9 миллион евро тўланиши керак. Агар ҳужумчи ижарага олинса, "Барселона" унга 6 миллион евро тўлашга тайёр. Қолган 3 млн еврони "Манчестер Юнайтед" қоплаши кутилмоқда.
Бироқ, "блауграна" ўз маоши ҳисобидан 6 миллион еврога жой ажратиши керак, "Барселона" буни ҳимоячилар Эрик Гарсия ва Андреас Кристенсенни клубдан қўйиб юбориш орқали амалга ошириш мумкин деб ҳисоблайди.
