"Интер Майами" хўжайини Дэвид Бекхэм Лионель Мессининг "Барселона"га бўлган муҳаббати ҳақида гапирди.
Аргентиналик форвард 2021-йилда “Барса” сафини тарк этишга мажбур бўлди, шундан сўнг “ПСЖ”га ўтди.
Икки йил ўтгач, юлдуз футболчи "Интер Майами"га ўтди ва у шу кунгача ўйнамоқда.
"Мен Мессининг фаолиятини тугатгандан кейин Майамида яшашини истардим, лекин Лео менга "Камп Ноу" яқинида яшаш нияти борлигини айтди.
"Барселона"ни у қадар севадиган футболчи йўқ. Сиз унинг оёғида, ҳатто сув идишида ҳам "Барcа" логотипини кўришингиз мумкин", - дея Бекхэмнинг сўзларини келтиради Barca Universal.
