"Манчестер Юнайтед" бош мураббийи Рубен Аморим жамоаси футболчиларига дам бермади. Якшанба куни манкунианликлар Лондонда "Фулхэм"ни мағлуб этишди (1:0), душанба куни эса Аморимнинг туғилган куни у 40 ёшга тўлади. Бунинг шарафига жамоа мураббийдан бир кунлик дам олишни сўради, аммо у рад жавобини берди.
"Улар дам олиш кунини сўрашди, лекин мен рад этдим. Туғилган кунимда машғулот ўтказамиз ва менинг совғам бугун ўйнамаган йигитлар билан ишлаш имкониятидир. Бу ажойиб бўлади, чунки биз ғалаба қозондик. Кейин мен болаларим билан овқатланаман", деди Аморим.
Пайшанба куни “қизил иблислар” Европа лигаси доирасида Руминиянинг ФКСБ жамоасига қарши майдонга тушади.
