"Ливерпуль" сардори Виржил ван Дейк ўз келажаги ҳақида янги баёнот берди. 33 ёшли нидерландияликнинг сўзларига кўра, ҳозирда у аниқ маълумотга эга эмас. Ван Дейкнинг мерсисайдликлар клуби билан амалдаги шартномаси мавсум охиригача мўлжалланган.
"Бир кун келиб, мен "Ливерпуль"да бошимдан кечирган барча воқеаларни эслайман. Умид қиламанки, олдинда ҳали кўп яхши ишлар бор. Клубда яна қанча ўйнашни билмайман. Бу мавсумда нечта ўйин қолди? Умид қиламанки, бу кафолатланган, аммо келажакда нима бўлишини билмайман," - деди ван Дейк.
"Ливерпуль" шанба куни ўз майдонида "Ипсвич"ни 4:1 ҳисобида мағлуб этди.
