Иқтисодиёт профессори Роб Уилсон Эрлинг Холанднинг янги шартномаси ҳақида фикр билдирди.
Аввалроқ, 24 ёшли норвегиялик футболчи "Манчестер Сити" билан 2034 йилнинг ёзига қадар мўлжалланган янги шартнома имзолаган эди. Тасдиқланмаган маълумотларга кўра, у ҳафтасига 500 минг фунт атрофида маош олади.
"4-5 йилдан ортиқ давом этадиган шартномалар ақл бовар қилмайдиган хавф билан боғлиқ. Агар Холанд уч-тўрт йил ичида оёғини синдириб олса ва унинг фаолияти тугаса нима бўлади? У шунчаки ўтириб, маош олиши мумкин, кейин эса клубда катта муаммолар пайдо бўлади.
Бу жуда хавфли ёндашув. Энг катта хавф - бу индивидуал ўйинчи ва унинг муаммолари эмас, балки жамоанинг қолган қисмига нима дегани.
Одатда бу қуйи даражадаги клубларда жамоанинг маоши чегараси бўлганида, кейин эркин агент келганда ва чегара ошиб кетганда содир бўлади. Кейин бошқалар эътиборни янги келганга қарата бошлайди.
Агар мен ўйинчи бўлганимда ва Холанд билан тўққиз ярим йиллик шартнома борлигини кўрсам, ҳафтасига ярим миллион фунт стерлинг маош олади ва мен 200 минг фунт олаётган бўлсам, мен 350 минг фунт ёки 400 минг фунт стерлинг олишни хоҳлайман, дердим" - деди иқтисод профессори ва футбол мураббийи, молиявий эксперт Роб Уилсон Slingo нашрига берган интервьюсида.
