"Наполи" "Манчестер Юнайтед" вингери Алехандро Гарначони сотиб олиш фикридан қайтгани йўқ.
Италия клуби январь ойи бошидан бери аргентиналик футболчи билан музокаралар олиб бораётганди, бироқ улар "қизил иблислар" билан келишувнинг молиявий шартлари бўйича муросага кела олишмади. Инсайдер Фабрицио Романонинг сўзларига кўра, яқинда "Наполи" Гарначо вакилларига мурожаат қилиб, агар "Манчестер Юнайтед" ўз талабларини камайтирса, музокараларни давом эттиришга тайёрлигини билдирган. Инглиз гигантларининг режалари ноаниқлигича қолмоқда.
Алехандро Гарначонинг «Transfermarkt» порталидаги нархи 50 миллион евро. 20 ёшли футболчини сотиб олишга Лондоннинг "Челси" клуби ҳам қизиқиш билдирмоқда.
