"Барселона" ва Испания терма жамоаси ярим ҳимоячиси Педри Каталония клуби билан янги шартнома имзолади. Шартнома 2030 йилнинг июнигача амал қилади.
Педри 22 ёшда ва жорий мавсумда “Барселона” сафида барча расмий турнирларда 32 та ўйин ўтказиб, 4 та гол ва 4 та голли узатмани амалга оширди. Испаниялик футболчининг клуб билан тузган аввалги шартномаси 2026 йилнинг ёзига қадар амалда эди.
Эслатиб ўтамиз, "Барселона" аввалроқ уругвайлик ҳимоячи Рональд Араухо билан шартномани 2031 йилгача узайтирган эди. "Барселона" яқин орада Иньиго Мартинес ва Ламин Ямал билан шартномаларини узайтириши кутилмоқда.
