"Манчестер Сити" бироз қийинчилик билан Чемпионлар Лигаси плей-офф босқичига чиқди ва энди режалар тузмоқда.
The Telegraph нашри хабарига кўра, "шаҳарликлар" ярим ҳимоячи Родрини қитъанинг асосий клуб турнири плей-офф босқичи учун қайдномага киритиши мумкин.
"Олтин тўп" соҳиби ҳозирда сентябрь ойида тиззасидан олган оғир жароҳатидан фориғ бўлмоқда. Манбага кўра, Хосеп Гвардиола Родрини плей-офф босқичининг сўнгги босқичларига тайёр бўлишига умид қилмоқда.
"Манчестер Сити" Чемпионлар лигаси плей-офф босқичида "Реал Мадрид" ёки "Бавария" билан ўйнайди. Қуръа ташлаш маросими жума куни бўлиб ўтади.
