"Ювентус" қишки трансфер ойнаси ёпилгунга қадар ярим ҳимоячи Артур Мело билан хайрлашишга умид қилмоқда.
Бразилиялик футболчи Турин клубига керак эмас, лекин маоши юқори бўлгани учун уни сотиш ниҳоятда қийин.
Яқинда ярим ҳимоячига "Сантос" қизиқиш билдираётгани маълум бўлди. Инсайдер Фабрицио Романонинг сўзларига кўра, 28 ёшли футболчи бўйича баҳсда “Жирона” ҳам иштирок этган.
Каталонияликлар футболчини ижарага олишга ва унинг маошининг бразилиялик рақибларига қараганда кўпроқ қисмини қоплашга тайёр.