Рональд Араухонинг шартномасида сотиб олиш тўлови қисқартирилган.

Январь ойида ҳимоячи "Барселона" билан 2031 йилгача мўлжалланган янги шартнома имзолади. Шартномага кўра, товон пули бир миллиард еврони ташкил қилади.

Бироқ, Marca нашри ёзганидек, қизиқувчи клублар июль ойининг биринчи ўн кунлигида футболчини 70 миллион еврога сотиб олишлари мумкин. Ушбу параметр фақат 2025 йилда амал қилади.

Қайд этилишича, шартномани узайтиришдан кўзланган асосий мақсадлардан бири Рональд Араухо қишда Каталония клубини тарк этмаслигини таъминлаш бўлган.

Шу боис шартнома шундай тузилганки, футболчи ёзги трансфер ойнасида клубини ўзгартириш имкониятига эга бўлган.