"Галатасарой" Альваро Моратанинг "Милан"дан трансферининг молиявий шартларини эълон қилди.

Туркия клуби форвардни 2026 йилнинг 20 январига қадар 6 миллион евро эвазига ижарага олганини маълум қилди. Тўловлар икки босқичда амалга оширилади.

Шунингдек, "Галатасарой" ҳужумчини 8 миллион еврога сотиб олиш имкониятига эга бўлади, охирги муддат – 15 январь. Агар бу вариант фаоллаштирилмаса, "Галатасарой" ижара муддатини 2026 йилнинг ёзига қадар яна 3 миллионга узайтира олади, шундан сўнг улар испанияликни 10 июндан кечиктирмай 9 миллионга сотиб олиш имкониятига эга бўлади.

Агар Мората "Галатасарой" томонидан сотиб олинса, у йилига 6 миллион евро олади.