Франция терма жамоаси ва "Реал"нинг собиқ ярим ҳимоячиси Зинедин Зидан инглиз ярим ҳимоячиси Пол Скоулз билан бирга ўйнамаганидан афсусда.
"Ҳамма энг яхшилар билан ўйнашга қизиқади. Скоулз ҳам шундай футболчилардан бири бўлганига шубҳам йўқ.
Унинг ўйинини томоша қилиш менга жуда ёқди. Бундай футболчини учратиш жуда ҳам завқли. Афсуски, мен у билан битта клубда ўйнаш имкониятига эга бўлмаганман", - дея Зинединнинг сўзларини келтиради Give me Sport.













