"Ювентус" ҳамда "Лацио" жамоалари ўртасидаги Италия суперкубоги-2013 учун баҳс Хитой ёки БААда ўтказилиши мумкин, дея хабар бермоқда Football Italia.
"Ювентус" Суперкубок Италиянинг ўзида ўтказилиши кераклигини талаб қилмоқда. Сабаби клуб Шимолий Америка турнесига чиқишни режалаштириб турибди. "Лацио" раҳбарлари эса машҳурлик ва Осиё бозоридаги ўрнини мустаҳкамлаш учун ўйиннинг Пекинда бўлиши тарафдори.
Бетараф жой сифатида эса Дубай кўрсатилмоқда. Аммо, шуниси борки агар Суперкубок БААда бўлиб ўтса, у ҳолда ўйин августда эмас, декабрда ўтказилишига тўғри келади.
Эслатиб ўтамиз, Италия суперкубогининг сўнгги икки йилдаги ғолиблари Хитой пойтахтида аниқланиб келинмоқда.
