"Рома" ярим ҳимоячиси Леандро Паредес Италия жамоасини тарк этиши мумкин. Бу ҳақда «UOL» хабар берди.
Манбага кўра, аргентиналик футболчига "Сантос" қизиқиш билдирмоқда. Леандрога яқин ва шунинг учун уни жамоада кўрмоқчи бўлган Неймар Паредеснинг трансферини амалга оширишни сўради. Қайд этилишича, футболчи Бразилияга кўчиб ўтиш вариантини кўриб чиқишга тайёр, аммо трансферга асосий тўсиқ "Рома"нинг молиявий талаблари бўлиши мумкин.
Паредеснинг "Рома" билан амалдаги шартномаси 2025 йилнинг июнигача мўлжалланган.













