Словения терма жамоаси ва “Атлетико” дарвозабони Ян Облак “Манчестер Юнайтед”нинг трансферлар рўйхатида қолмоқда. Бу ҳақда Todofichajes портали журналистлари хабар бермоқда.
Манбанинг хабарига кўра, "қизил иблислар" словениялик футболчини ўз сафига қўшиб олишга уриниб кўришмоқчи. “Матрасчилар” ўз навбатида 32 ёшли дарвозабон учун 25-30 миллион евро таклиф қилишса, ундан хайрлашишга тайёр. Облакнинг Мадрид клуби билан шартномаси 2028 йилнинг июн ойи охирида якунига етади.
Испания чемпионатининг жорий мавсумида дарвозабон 21 та ўйин ўтказиб, 14 та гол ўтказиб юборган.
