"Атлетико Мадрид" бош мураббийи Диего Симеоненинг "Реал"га қарши ўйин олдидан матбуот анжуманида айтган фикрлари билан танишинг.

"Мадридга қарши бугунги ўйинда (Тошкент вақти билан 00:30) бош ҳакам қандай ишлаши ҳақида ўйламайман, чунки ўйин олдидан босим бор. Мен фақат жамоам ҳақида ўйлаяпман.

Биз биламизки, Мадридда ажойиб маҳоратга эга футболчилар бор, шунинг учун бугун диққатимизни жамлаб, ўз ўйинимизни кўрсатишга ҳаракат қилишимиз керак.

Қолаверса, бугун нималарга дуч келишимиз кераклигини тушуниб турибмиз: "қаймоқранглилар" учрашувни фаол бошлайди, улар очиқ майдонда ҳам, ёпиқ зоналарда ҳам жуда яхши.

Мадриддан ҳакамлар корпусига нисбатан расмий шикоят? Мен бор эътиборимни бўлажак учрашувга қаратганман. Ҳамма Мадрид позициясига қаршими? Ўша одамлардан сўранг.

Дерби олдидан мен ҳам худди Анчелотти каби дам олиш учун телевизор кўраман", - деди аргентиналик мутахассис.