Лондоннинг "Челси" клуби бош мураббийи Энцо Мареска жамоасининг жорий мавсумдаги натижалари ҳақидаги фикрлари билан ўртоқлашди.
Шанба куни “кўклар” “Брайтон”га (1:2) имкониятни бой бериб, Англия кубоги билан хайрлашди.
Премьер-лигада лондонликлар тўртинчи поғонани эгаллаб турибди, Мареска жамоаси Конференциялар лигасида иштирок этишда давом этмоқда.
"Бу мавсум қанчалик яхши? Жамоа ўйиндан-ўйинга кучайиб бораётган мавсумни мен яхши деб биламан.
Қийин лаҳзаларни енгиб ўта олиш керак - бу муҳим нарса учун курашишнинг ягона йўли. Умид қиламанки, биз бу мавсумни яхши якунлаймиз", - деди италиялик мураббий.
