"Реал Мадрид" футболчилари жорий мавсумда 30 дан ортиқ жароҳат олишди.
Якшанба куни Мадрид клуби Лукас Васкеснинг жароҳати ҳақида эълон қилди - ҳимоячи сон жароҳати туфайли 2-3 ҳафтани ўтказиб юборади ва Чемпионлар лигасининг 1/8 финалига чиқиш учун биринчи плей-офф ўйинида "Манчестер Сити"га қарши ўйнамайди.
2024/25 йилги мавсумда "Реал Мадрид" футболчилари аллақачон 36 та жароҳат олишган, шундан 26 таси мушак жароҳатларидир.
Marca нашрининг ёзишича, Васкес бир неча ҳафтадан бери мушакларида ноқулайлик сезмоқда, шу сабаб ҳимоячи 25 январь куни Ла Лигада "Вальядолид"га (3:0) ва Испания кубоги доирасида "Леганес"га (3:2) қарши ўйнай олмади.
"Реал Мадрид" 11 февраль куни "Манчестер Сити"га қарши ҳимояда Рауль Асенсио, Федерико Вальверде ва Орельен Тчуамени майдонга тушиши аниқ, Фран Гарсия ёки Ферланд Менди ҳам майдонга тушиши мумкин.
